Die
Bestuurderes
Onze
Rust Sentrum vir Bejaardes
Steynsrus
Minnie
Burger
Ek
verwys na my besoek aan die sentrum op Maandag 13 April 2015 om 14:00. Die doel
van my besoek was om my jarelange vriende Dawie en Annetjie Mulder net vinnig
hallo te sê. Hierdie twee inwoners het ‘n woonstel gekoop in die sentrum, hulle
is nog baie aktief en ry nog baie rond. Ek is reeds vir baie jare vriende met
hierdie mense, lank voordat hulle in die sentrum kom woon het.
U
het tydens my besoek en in die teenwoordigheid van mev Baker van Departement
Sosiale Ontwikkeling en nog ‘n ander onbekende dame, my meegedeel dat ek nie
nou die inwoners kan
besoek nie want hulle moet nou rus. Dit was vir my vreemd dat u sommer vir die
woonstelbewoners besluit wanneer hulle moet rus en wanneer hulle gaste mag
ontvang of nie. Terloops daar is geen besoekure by hierdie sentrum waarvan ek
bewus is nie.
Op
Dinsdag 14 April 2015 het ek weer die sentrum besoek en word ek deur Christine
Coetzee meegedeel dat ek en my ma die sentrum verbied is. Waarom het jy my nie
reeds die Maandag gesê ek is verbied nie? Nee jy het Christine misbruik om jou
vuil werk te doen want jy was te lafhartig om dit vir my self te sê. Net soos
jy destyds te lafhartig was om daardie van Niekerk vent die sentrum te verbied.
Wie
die hel dink jy in elk geval is jy om vir die inwoners van die sentrum te
besluit wie hulle mag besoek en wie nie. Dit is ‘n skending van my en al die
inwoners van die sentrum se menseregte soos bepaal deur die Grondwet van die
Republiek van Suid Afrika. Ek verwag nie dat jy die Grondwet moet ken nie want
jy ken dan nie eers die wet op oumense nie en dit kan bewys word. Die volgende aspekte van die
Grondwet word oortree:
“1.
Die Republiek van Suid-Afrika is een, soewereine, demokratiese staat gegrond op
die volgende waardes:
(a)
Menswaardigheid, die bereiking van gelykheid en die uitbou van menseregte
en
vryhede.”
“10.
Elkeen het ingebore waardigheid en die reg dat daardie waardigheid gerespekteer
en beskerm word.”
“18.
Elkeen het die reg op vryheid van assosiasie.”
‘n
Klagte word vandag by die Menseregtekommissie ingedien. Alhoewel ek mev Baker
geensins vertrou nie, sal ek nogtans ‘n klagte by die Departement Sosiale
Ontwikkeling indien.
In
die tydperk wat ek by die gemeenskapsdiens betrokke was het ek nie net die
aanranding op Johan Smith waargeneem nie maar ook verskeie ander voorvalle wat
jy niks aan gedoen het nie. Die aanranding van Johan Smith was maar net ‘n
puntjie van die ysberg. Ek het elke dag wat ek gewerk het waargeneem hoe
daardie Mavis Nagel ding op die inwoners skreeu en vloek. Ek het gesien hoe sy
meer as een keer in die eetsaal Charles se mond hardhandig oop forseer het om
te kyk of hy sy pille gedrink het. Dan het sy weer soos gewoonlik soos ‘n orige
vulgêre ding in die eetsaal begin dans. In my bedankingsbrief destyds het ek
genoem dat daar probleme is maar jy het nie eers die moeite gedoen om uit te
vind wat aangaan nie. Jy dink net aan jouself en jou posisie by die sentrum. Jy
doen niks om die inwoners of personeel te beskerm nie behalwe natuurlik die
kriminele.
Hoeveel
kere het jy nie in die kombuis die personeel voor my gedreig dat as hulle net iets
soos ‘n snytjie tamatie eet dan is hulle gefire. Behalwe dat jy jouself op die
wyse bewys het as ‘n swak bestuurderes, het jy ook duidelik getoon dat jy nie
die arbeidswette ken nie. Dit kom ook daarop neer dat jy ‘n snytjie tamatie
belangriker ag as ‘n inwoner wat aangerand word.
Indien
jy destyds jou werk gedoen het met my bedankingsbrief dan sou verskeie probleme
verhoed gewees het. Eerstens sou my ma nie so geteister en aangerand gewees het
deur daardie van Niekerk gemors nie. Maar wat het jy omtrent die saak gedoen?
Absoluut niks dit terwyl my ma se gesondheid ‘n ernstige knou gekry het. Weer
het jy nie ‘n personeellid beskerm nie maar wel die krimineel. Tweedens kon die
verdere gevloekery op inwoners deur Mavis Nagel verhoed gewees het. Selfs nadat
‘n skriftelike klagte oor die aanrandings en gevloekery ingedien was het jy nog
steeds niks gedoen nie, weereens het jy die krimineel beskerm en nie die
inwoners soos wat van ‘n goeie bestuurderes verwag word nie. Derdens kon dit
verhoed gewees het dat my ma onskuldig afgedank is indien jy jou werk gedoen
het. Maar nee iemand moet gestraf word om te verbloem dat die sentrum onbekwaam
en uiters swak bestuur word en verder moes die misdade in die sentrum ook nog toegesmeer
word.
Al
hierdie probleme kon verhoed gewees het as jy nie te sleg was om jou werk te
doen nie.
‘n
Verslag oor al die gebeure word nou opgestel vir voorlegging aan minister
Dlamini.
Dit
is in belang van die publiek dat hulle bewus gemaak word van wat werklik
aangaan in die sentrum en ek sal geen steen onaangeroer laat om dit moontlik te
maak nie.