12
Desember 2012
Die
Bestuur en Raadslede
Huis
Onze Rust
Steynsrus
INSIDENT : CHRISTINE COETZEE EN MYSELF
Ter
agtergrond ek is 'n werknemer by HOR om behulpsaam te wees met die lewering van
gemeenskapsdiens. Ek is sedert Februarie 2012 betrokke by die lewering van
hierdie diens. Alhoewel daar onlangs eers 'n kontrak gesluit is, is ek nooit
die tye wat hierdie diens gelewer moet word meegedeel nie. Nog 'n personeellid,
Martha Mofokeng, is ook betrokke by hierdie diens.
Op
11 Desember 2012 het ek eers na 08:00 opgedaag by HOR en is ek op 'n uiters
onbeskofte wyse deur Christine Coetzee aangespreek dat ek laat is. Hoe moet ek
weet ek is laat as die tye nooit uitgeklaar is nie? Die rede hoekom ek
sogenaamd laat was, is omdat ek eers Mev Susan Coetzee se opskepbak by haar gaan
kry het, sy is 75 jaar oud en ek wou haar darem nie voor 08:00 daarvoor pla
nie. Die dae wat ek vroeg loop is juis om kosaflewerings te doen. Indien dit
nie begryp kan
word nie, hierdie aksies van my is dus deel van gemeenskapsdiens. Indien
Christine op 'n beskaafde wyse die aangeleentheid met my bespreek, dan sou sy
geweet het hoekom ek laat was.
Vir
weke lank doen ek alleen die kookwerk vir gemeenskapsdiens omrede Martha vir
ander take by HOR aangewend word. Die dae wat Martha wel gemeenskapsdiens doen,
kom sy soms eers na 09:00 by die werk aan en loop dan ook vroeg. Nog nooit was
Martha daaroor aangespreek nie. Hoekom word daar teen my gediskrimineer? Indien
ek dit reg verstaan word Martha ook betaal vir die dae wat sy nie betrokke is
by gemeenskapsdiens.
Toe
Christine my aangespreek het dat ek laat is, het sy dit so hard gedoen dat die
ander personeel wat in 'n kantoor verder met die gang af was, elke woord kon
hoor. Ek het die personeel gaan groet en hulle het my dadelik uitgevra of ek
uitgetrap was. Net daarna kom Christine my konfronteer in die kombuis en dreig
my, weereens op 'n bombastiese wyse, dat ek nie dinge agter haar rug moet doen
of sê nie. Dit is nogal gedoen in die teenwoordigheid van drie ander
personeellede naamlik Johanna,
Lydia en
Martha. Wat veel erger is, dit kom voor of Christine my en die ander personeel
in hulle kantoor afgeluister het. Christine se terloopse en snedige opmerkings
oor hoe ek gaan moeilikheid kry, staan my nie aan nie.
Indien
ek enigsins fouteer, verwag ek om diskreet en op 'n beskaafde wyse aangespreek
te word. Indien hierdie insident die norm is van die kantoorpersoneel dan kry
ek die ander personeel en die inwoners baie jammer.
Vriendelike
groete
Petro Beukman