27
Februarie 2013
Geagte
mnr Nothnagel
INSIDENT : CHRISTINE COETZEE EN
MYSELF : HUIS ONZE RUST
Aangeheg
‘n skrywe van my gedateer 12 Desember 2012.
Op
16 Januarie 2013 is daar ‘n samespreking gehou tussen juf Burger, Christine
Coetzee en myself. Mev Mavis Nagel was ook teenwoordig. Van die begin af was
dit duidelik dat juf Burger nie van voorneme was om Christine aan te spreek
nie. Daar was geen ondersoek gedoen nie en daar was geen navrae gerig aan enige
betrokke personeel wat ek in my klagte noem nie. Duidelik moes die
aangeleentheid so gou moontlik en met die minste konsekwensies vir die kantoor
afgehandel word. Die uitslag van die samesprekings is natuurlik dat al die
gebeure rondom die klagte toegeskryf word aan 'n misverstand. Na afloop van die samesprekings vra juf Burger aan
Christine en Mavis of hulle tevrede is, maar ek wat die klagte ingedien het
word dit nie gevra nie.
Hoe
kon daar enigsins 'n misverstand wees? Eerstens was die werkstye van die
gemeenskapsdiens personeel nooit aan ons meegedeel nie. Die tye kon seker in
die dienskontrak gespesifiseer gewees het of ten minste in 'n kort kennisgewing
aan ons voorsien geword het. Met ander woorde die kantoor doen nie hulle werk behoorlik
nie en dan moet ander personeel daarvoor geld. Tweedens al was daar 'n
misverstand oor die werkstye, hoe kan
Christine se swak optrede geregverdig word of enigsins aan 'n misverstand toegeskryf word?
My
situasie is nie geisoleerd nie. Ek verneem dat van die ander personeel al
soortgelyke ervarings gehad het. Die ergste is dat 'n ernstige skriftelike
klagte van 'n inwoner na 'n paar maande geen aandag gekry het nie. Die gevolg
is dat die personeel en inwoners nie meer vertroue het om enigsins klagtes by
die kantoor in te dien nie. Probleme wat nie behoorlik aangespreek word nie het
'n situasie onder 'n sekere "groep" personeel geskep wat die probleme
gevolglik al hoe groter maak.
Ek
verstaan juf Burger se optrede want sy is net een dag per week op kantoor en kan gevolglik nie die
hele dag spandeer net aan een persoon se probleem nie. Verder moet juf Burger
blindelings op Christine staatmaak om probleme aan haar oor te dra die dae wat
sy self nie op kantoor is nie. Die vraag is net hoe word die probleme oorgedra?
Christine het geen ervaring nie en hoe kan
sy oordeel wat werklik die situasie is wat sy onder juf Burger se aandag moet bring?
Kan die
situasie nie dalk uitgebuit word deur Christine om haarself goed te laat lyk en
die ander personeel onnodig sleg te laat lyk by juf Burger nie? Geen normale
persoon sal homself slegmaak in so geval nie. Nogal 'n kommerwekkende situasie.
Christine
het duidelik nie ervaring in 'n groot opset soos 'n ouetehuis nie en haar
menseverhoudinge laat veel te wense oor. Indien daar selfs net iets kleins
gebeur by HOR dan skop sy 'n groot bohaai op en sorg dan dat die hele ouetehuis
op 'n oordrewe wyse daarvan weet en laat weet sy waarskynlik dadelik ook juf
Burger en waarskynlik op dieselfde oordrewe wyse. Sy is ook baie vermakerig
teenoor die personeel en skroom nie om 'n personeellid voor ander personeellede
te verneder nie, kyk maar wat het in my geval gebeur. Christine is uiters
onbeskof met die personeel in so mate dat ek my skaam vir haar gedrag. Die
ergste is dat Christine arme oom Ingram ('n inwoner!) verskreeu het terwyl hy
onskuldig net vir 'n oomblik op 'n stoel in die ingangsportaal gaan sit het. Ek
is seker as oom Ingram se familie op daardie oomblik by die ouetehuis ingestap
het sou hulle Christine te lyf gegaan het of 'n klag van mishandeling teen HOR
aanhangig gemaak het. Christine se optredes pas glad nie in by 'n ouetehuis opset
nie en die personeel is nogal negatief hieroor. Net soos in my geval, help dit
nie iemand klae by juf Burger nie want enigiets rondom Christine word
doodeenvoudig net afgemaak as niks nie. Ek sal seker na hierdie brief weer
agteraf geteiken word. In die lig van die vorige samespreking sal ek egter
weier om weer 'n samespreking in hierdie verband te hou met juf Burger en
Christine want alles sal seker maar weer net 'n as 'n misverstand bestempel
word.
Ek
glo nie juf Burger is bewus van Christine se onbeskofte optredes nie (wel ek
hoop nie so nie) want op Woensdae wanneer juf Burger daar is sit Christine haar
beste voet voor en is selfs vriendelik met die personeel. Maar wanneer juf
Burger daar uitstap dan sit Christine weer heeldag vasgeplak op haar stoel en
blaf vir die personeel wat haar werk vir haar moet doen. Ek vermoed juf Burger kan nie bekostig om
Christine te wantrou nie want dit sou beteken dat sy permanent by HOR moet wees
en wat dan van Edelkroon? Ek wonder of die geval waar Christine op 'n
onverantwoordelike wyse kontant en die tjekboek van HOR in Kroonstad laat
verlore gaan het ooit ondersoek was en of dit ook vinnig toegesmeer is. Verder
bedryf Christine 'n privaat besigheid en het sy al van die personeel en die
amptelike motor gebruik om haar aflewerings in Kroonstad te doen. Geen wonder
die ander personeel mag deesdae nie meer met die amptelike motor Kroonstad toe
ry om aankope te doen nie, net Christine mag, ek wonder hoekom?
Kortom
is die huidige situasie by HOR sonder 'n voltydse betuurder ongesond en dit
werk doodeenvoudig nie. Daar is bittermin organisasie en geen behoorlike
kommunikasie nie, die kantoor funksioneer dus nie ten volle nie en met
Christine se geaardheid en tekort aan ervaring maak dit net soveel erger. Dit
het my byvoorbeeld etlike weke geneem om net 'n afskrif van my dienskontrak te
bekom. Met 'n voltydse ervare en innoverende bestuurder sal dit waarskynlik
baie beter gaan met HOR en glo ek Christine se optredes sal ook baie verander. HOR
het soveel potensiaal maar daar gaan niks van kom soos die opset nou is nie.
Dit is net 'n jammerte dat die inwoners (en personeel) ontneem moet word van
die voordele wat 'n goed georganiseerde ouetehuis kan bied. Tans kan HOR seker net gesien word as 'n plek
waar die inwoners die dood afwag, wat word daar andersins vir hulle gebied?
Vriendelike
groete
Petro Beukman