Hiermee
verklaar ek Petro Beukman dat ek op Donderdag 10 April 2014 waargeneem hoe die
stafverpleegster, Mavis Nagel, ‘n beroerte pasient, Johan Smith, in sy rolstoel
fisies en verbaal aangerand het. Hierdie aanranding is skriftelik aangemeld
maar ONZE RUST en ENGO het uit hulle pad gegaan om hierdie misdaad te ontken en
het alles in hul vermoë gedoen om hierdie misdaad toe te smeer.
Wat
‘n lae skande!
ONZE
RUST het selfs sovêr gegaan om baie maande nadat die aanranding bekend gemaak
is, skielik ‘n aantekenrooster uit te diep wat aantoon dat Nagel kwansuis nie daardie
betrokke dag gewerk het nie. Wat ONZE RUST nie in berekening gehou het met
hierdie skielike rooster nie, is dat Nagel baie graag spog oor dinge wat sy
aanvang. So het Nagel op Sondag 29 Maart 2015 in JS Food Market aan my erken
dat die aantekenrooster gedokter is en dat niemand haar kan moeilikheid gee nie. Met ander woorde
nou het ons ook met bedrog te doen.
So
lank as ek lewe en ek is bereid om daarvoor tronk toe te gaan, staan ek daarby dat
Johan Smith aangerand was in ONZE RUST. Ek daag ONZE RUST en ENGO uit om te reël
vir ‘n leuenverklikkertoets vir my, Mavis Nagel en enige ander persoon wat ENGO
goeddunk. Tot sodanige leuenverklikkertoets gedoen word, staan ek daarby dat
Nagel vir Johan Smith aangerand het.
Hier
is wat ek waargeneem het:
Op
Donderdag 10 April 2014 omstreeks 13:00 het ek, Petro Beukman, tydens
gemeenskapsdiens, waargeneem dat die stafverpleegster, Mavis Nagel, vir Johan
Smith verbaal en fisies aanrand. Ek het uit die kombuis van ONZE RUST deur die
eetsaal beweeg en daardie Nagel en Johan Smith met sy rolstoel in die ingangsportaal
aangetref. Nagel het voor Johan Smith gestaan met haar rug na die deur van die
eetsaal. Reeds toe ek deur die eetsaal beweeg het kon ek hoor hoe daai Nagel op
Johan Smith skreeu maar ek kon nie die woorde duidelik uitmaak nie. Eers toe ek
nader aan die deur van die eetsaal beweeg het kon ek Nagel se woorde uitmaak
naamlik: “jy kan
fokken wag ek is besig” tersefdertyd het Nagel Johan Smith aan sy hemp
rondgepluk. Alhoewel Johan Smith nie kan
praat nie en net geluide maak, het Johan Smith heftig gereageer op daardie Nagel
ding se aanranding en was bloedrooi in die gesig. Op Johan Smith se uitbarsting
het Nagel gereageer deur hom met die plat hand bo op sy kop te slaan. Ek het
toe terug gedraai en is na die kombuis waar ek my ma net meegedeel het dat ek
huis toe gaan en nie weer terug kom vir gemeenskapsdiens nie. Ek het nie gesê
hoekom nie. Johan Smith is ‘n beroerte pasient.